“БИОИН-НОВО” КОМПАНИЯСИ БИЛАН ҲАМКОРЛИК ДАВОМ ЭТАДИ

Россия Федерациясининг “Биоин-Ново” компанияси ва Самарқанд Ветеринария медицинаси институти ўртасида ўзаро ҳамкорлик тўғрисида келишув имзоланган эди.

Ҳамкорлик доирасида компания директори, биотехнология фанлари доктори, Россия табиий фанлар академияси академиги Татьяна Нугманова Самарқанд ветеринария медицинаси институтига ташриф буюрди ҳамда институт биотехнология факультети талабалари билан учрашди. Ўн кунлик ташриф давомида талабалар учун маърузалар ва ўқув дастурларини намойиш этди.

Россиялик олима интитут ректори ҳамда профессор-ўқитувчиларга институтдаги таассуротлари, маърузалар жараёнидаги кузатувлари, ҳамкорликдан кутилаётган натижалар хусусида илиқ фикрлар билдирди.

Мазкур келишувга кўра, томонлар биотехнология соҳасида ўзаро ҳамкорликни амалга оширади, кафедра ўқитувчилари ва магистрантлари учун малака ошириш курсларини ташкил этади, яъни бир йилда 2 нафар ходим Россияга малака ошириш учун юборилади.

Шунингдек, учрашувда институт ректори Х.Юнусов ҳамда профессор Т.Нугмановалар ҳамкорликда “Қишлоқ хўжалиги учун биотехнология” номли илмий қўлланма чоп этилишига ҳам келишиб олинди.

Ветеринария ва чорвачиликни ривожлантириш 
Давлат қўмитаси Ахборот хизмати