15 Дек 2021

Ўтган ҳафта 17 та хўжаликка наслчилик мақоми берилди

Ўтган ҳафта 17 та хўжаликка наслчилик мақоми берилди

Ҳафта мобайнида жами 91 нафар хўжалик юритувчи субъектлар томонидан 7548 бош чорва моллари импорт қилинди. Шундан 3 659 бошини йирик шохли, 4 466 бошини майда шохли қорамоллар ташкил қилади.

Импорт қилинган 1 118 бош наслли қорамол учун 19 та чорвачилик субъектига 2 236 млн. сўм, 200 000 бош бир кунлик жўжа учун 3 та паррандачилик субъектига 1 802 млн. сўм субсидия маблағлари ажратилган.

Шунингдек, республика бўйича 36 та тадбиркорлик субъектига етиштирган ва сотган чорвачилик маҳсулотлари учун 5 908 млн. сўм миқдорида субсидия берилган. Жумладан, сут учун 24 та чорвачилик субъектига 1 271 млн. сўм, йирик ва майда шохли мол гўшти учун 5 та чорвачилик субъектига 77 млн. сўм, парранда гўшти учун 2 та паррандачилик корхонасига 788 млн. сўм, тухум учун 5 та паррандачилик корхонасига 3 533 млн. сўм, 2 та балиқчилик субъектига 239 млн. сўм субсидия берилиши таъминланди.

Ветеринария ва чорвачиликни ривожлантириш
давлат қўмитаси Ахборот хизмати