Андижонда куйдирги касаллиги мавзусида семинарлар ташкил қилинмоқда

Ўзбекистон Республикаси Бош Вазирининг –  2023 йил 6 январдаги “Ўзбекистон Республикаси аҳолиси ва ҳудудларни фавқулодда вазиятдаги муҳофаза қилиш, фуқаро муҳофазаси ва ёнғин ҳавфсизлигини таъминлаш бўйича 2023 йилдаги асосий вазифалар тўғрисида”ги 1-сон буйруғига асосан 2023 йилнинг 22 август куни  Андижон вилояти Бўстон туманида Давлат ветеринария хизмати ходимлари томонидан "Куйдирги касаллигини олдини олиш бўйича" ўқув тактик семинари ўтказилди.

Ушбу тадбирда, Бўстон тумани ветеринария ва чорвачиликни ривожлантириш бўлими, Санитария эпидемиология назорати маркази, Фавқулотда вазиятлар бошқармаси, ҳамда поликлиника ходимлари  иштирок этишди.

Тадбир қатнашчиларига ветеринария мутахассислари томонидан ушбу касалликнинг келиб чиқиш сабаблари, уни олдини олиш ва касаллик пайдо бўлганда ветеринария хизмати ходимлари томонидан кўриладиган зарур чоралар борасида тушунча ва тавсиялар ўқув тактик семинарида тўлиқ ёритиб берилди.