Қашқадарёда ҳайвонлар орасида юқумли касалликлар тарқалишининг олдини олиш чоралари кўрилмоқда

Қашқадарё вилояти туманлари ветеринария хизматлари мутахассислари томонидан ҳудудларда ҳайвонларни юқумли касалликларга қарши профилактик эмлаш ишлари олиб борилмоқда.

Хусусан, Косон, Муборак, Нишон, Шахрисабз  туманларининг ветеринария ва чорвачиликни ривожлантириш бўлими мутахассислари аҳоли хонадонларида парвариш қилинаётган чорва моллари ва уй ҳайвонларини “куйдирги”,  “оқсил” ва  “қутуриш”  каби юқумли касалликларга қарши эмламоқда.

Шунингдек,  ветеринария ходимлари томонидан аҳолига ҳайвонлардан одамларга ўтадиган ўта хавфли ва юқумли касалликлар ҳақида тушунтириш ва тарғибот ишлари олиб борилмоқда.