Косонсой туманида чорвачиликни ривожлантириш дастури ижроси юзасидан семинар ўтказилди

Косонсой тумани Навоий ММТП ҳудудига қарашли “Чашмаи Сафед” фермер хўжалиги чорва комплекси биносида Ўзбекистон Республикаси Ветеринария ва чорвачиликни ривожлантириш қўмитаси раисининг маслаҳатчиси Ў. Қурбонов раҳбарлигида кўргазмали семинар ўтказилди.

Семинарда Ўзбекистон Республикаси Президентининг 2023 йил 24 августдаги “Чорвачиликда идентификация қилиш тизими ва наслчилик соҳасини такомиллаштиришга оида қўшимча чора-тадбирлар тўғрисида”ги ПҚ-285-сон қарори ижроси ҳамда жорий йилга белгиланган чорвачилик лойиҳаларини бажарилиши ва 2025 йилда чорвачиликни ривожлантириш бўйича янги лойиҳаларни шакллаштириши, ветеринария ва чорвачиликни ривожлантиришнинг истиқболлари, стратегияси, мавжуд муаммолар ва уларнинг ечимлари борасидаги масалалар муҳокама этилди.

Семинарда Косонсой туман ҳокими Дилмурод Қодиров, туманлар ветеринария ва чорвачиликни ривожлантириш бўлими раҳбарлари, чорвачилик бўйича мутахассислар, чорвачилик йўналишидаги лойиҳа ташаббускорлари ҳамда намунали фермер хўжалик раҳбарлари иштирок этдилар.