“Ташаббус–2017” кўрик-танловининг ғолиблари тақдирланди

Жорий йилнинг 22 май куни пойтахтимиздаги «Туркистон» саройида Ўзбекистон Республикаси Президенти соврини учун ўтказилган “Ташаббус–2017” кўрик-танловининг республика босқичи якунланди. Унда кўрик-танлов ғолибларининг номлари эълон қилинди.

Ғолиблар учта асосий – «Йилнинг энг яхши тадбиркори», «Йилнинг энг яхши фермери» ва «Йилнинг энг яхши ҳунарманди» йўналишида тақдирланди. Шунингдек, «Йилнинг энг ёш тадбиркори», «Йилнинг энг яхши тадбиркор аёли», «Энг яхши инновацион лойиҳа», «Йилнинг энг яхши экспортчиси» каби номинациялар ғолиблари ҳам эълон қилинди.

«Йилнинг энг яхши тадбиркори» номинациясида Тошкент вилоятидаги “Torimed Pharm” масъулияти чекланган жамияти раҳбари Аҳаджон Шукуров ғолиб бўлди. Андижон вилоятидаги “Бахт имкон ривож чорваси” фермер хўжалиги раҳбари Фахриддин Исмоилов «Йилнинг энг яхши фермери» деб топилди. Бухоро вилоятидан Аҳмад Арабов «Йилнинг энг яхши ҳунарманди» деб эътироф этилди.

Асосий номинациялар ғолибларига Президентимиз соврини – “Spark” автомобили, иккинчи ва учинчи ўрин соҳибларига пул мукофотлари, махсус номинациялар совриндорларига қимматбаҳо совғалар топширилди.

Манба: agro.uz