Самарқанд ветеринария медицинаси институти Нукус филиалида янги ўқув йилидан онлайн таълим тизими ишга туширилди

2 сентябрдан республикамиздаги олий таълим муассасаларида 2020/2021 ўқув йили расман бошланди.  

Самарқанд ветеринария медицинаси институти Нукус филиалида таҳсил олаётган иккинчи ва учинчи босқич талабалари учун расман янги ўқув йили онлайн тарзда йўлга қўйилди.  

Таъкидлаш жоизки, филиал янги ўқув йилини масофавий тарзда йўлга қўйиш билан бирга талабаларга онлайн таълим олишда ҳар томонлама қулайлик яратиш мақсадида филиал расмий веб-сайтида www.samvminf.uz/moodle тизими ишга туширилди.

Эндиликда филиалда амалдаги ўқув режаси бўйича дарслар профессор-ўқитувчилар томонидан онлайн тарзда ўтказилади. 

Бунда ҳар бир талабанинг дарсларга иштироки қатъий назоратга олинади. 

Ҳурматли профессор-ўқитувчилар ва талаба-ёшлар, 2020/2021 янги ўқув йили муборак бўлсин! 

Сизларга улкан муваффақиятлар тилаб қоламиз!

Самарқанд ветеринария медицинаси институти
Нукус филиали Ахборот хизмати