Жойларда “Қутуриш касаллигига қарши курашиш ойлиги” тадбирлари давом этмоқда

Маълумки, мамлакатимизда “Қутуриш касаллигига қарши курашиш ойлиги” эълон қилинган бўлиб, ҳудудларда мазкур хавфли касалликнинг келиб чиқиши ва унга қарши кураш борасида тарғибот тадбирлари уюштирилмоқда.  

Хусусан, Навоий вилоятининг Зарафшон шаҳри ветеринария мутахассислари томонидан ҳудуддаги таълим муассасасида қутуриш касаллигининг олдини олиш ҳамда унга қарши кураш мавзусига доир тадбир бўлиб ўтди.  

Тадбир доирасида шаҳар ветеринария ва чорвачиликни ривожлантириш бўлими ходимлари томонидан ҳудуддаги 2000 та эгали ит ва мушук клиник кўрикдан ўтказилиб, рўйхатга олинди ҳамда қутуриш касаллигига қарши профилактик эмланди.

Ветеринария ва чорвачиликни ривожлантириш
давлат қўмитаси Ахборот хизмати