Наманганда эпизоотик тадбирларни самарали ташкил этиш мавзусида семинар бўлиб ўтди
Ҳозирги кунда Республикамизда эпизоотик барқарорликни таъминлаш, ҳайвонлар касалликлари тарқалишининг олдини олиш бўйича тизимли ишлар йўлга қўйилиб, барча турдаги ҳайвонларни турли касалликларга қарши профилактик эмлаш тадбирлари режа асосида ташкил этиляпти.
Айниқса, Республикамизнинг қўшни давлатлар билан чегарадош худудларида эпизоотик осойишталикни таъминлаш юзасидан қатъий чоралар кўрилмоқда.
Наманган вилоятининг Янгиқўрғон туманида ҳам эпизоотик тадбирларнинг ўз вақтида самарали ташкил этилиши, ҳайвонлар касалликларига қарши кураш бўйича олиб борилаётган ишлар мавзусига бағишланган семинар ташкил этилди.
Туман ветеринария ва чорвачиликни ривожлантириш бўлими ходимлари иштирок этган семинарда четдан ҳайвонлар касалликлари кириб келишининг олдини олиш, мавсумий профилактик тадбирларини ташкил этиш ҳамда озиқ-овқат хавфсизлигини барқарор таъминлаш маасалаларига тўхталиб ўтилди.
Шунингдек, худудда парвариш қилинаётган ҳайвонлар ва паррандалар касалликларига қарши қатъий кураш ва эмлаш тадбирларини мунтазам равишда режа асосида олиб бориш лозимлиги қайд этилди.
Ветеринария ва чорвачиликни ривожлантириш
Давлат қўмитаси Ахборот хизмати
