Худудларда эпизоотик барқарорликни таъминлаш бўйича профилактик тадбирлар ўтказилмоқда.

Мамлакатимиз худудида эпизоотик осойишталикни таъминлаш, ҳайвонлар касалликларига қарши кураш борасида кўплаб чора-тадбирлар олиб борилмоқда.  

Жумладан, Навоий вилоятида ҳам карантин қоидаларига риоя этган ҳолда барча турдаги ҳайвонларни турли касалликларга қарши эмлаш бўйича тадбирлар ташкил этиляпти.

Ветеринария мутахассислари ўтган ҳафта мобайнида худуддаги 6045 бош йирик шохли мол, 14090 бош майда шохли мол ва 210 бош от куйдирги касаллигига, 13280 бош йирик шохли мол, 52500 бош майда шохли мол оқсил касаллигига, 900 бош йирик шохли мол қорасон касаллигига, 5560 бош йирик шохли мол нодуляр дерматит касаллигига қарши профилактик эмланди.

Шунингдек, 37600 бош майда шохли мол чечак касаллигига, 13400 бош майда шохли мол брадзот касаллигига, 770 та ит қутуриш касаллигига ҳамда 54 000 бош паррандани Ньюкасл штам-Н касаллигига қарши профилактик эмлаш ишлари олиб борилди.

Ветеринария ва чорвачиликни ривожлантириш
Давлат қўмитаси Ахборот хизмати