Қрим-Конго геморрагик истимаси касаллигига қарши кўргазмали махсус-тактик ўқув машқи ўтказилди

Наманган вилояти Янгиқўрғон туманида “Аҳоли ўртасида Қрим-Конго геморрагик иситма касаллиги тарқалишининг олдини олишда фавқулодда вазиятлар давлат қуйи тизим хизматларининг ҳамкорликдаги ҳаракатлари” мавзусида 3 босқичли кўргазмали махсус-тактик ўқув машқи ўтказилди

Машғулот давомида туман ҳудудида ўта хавфли юқумли касалликлар билан боғлиқ фавқулодда вазиятларнинг олдини олиш, Қрим-Конго геморрогик иситма касаллиги тўғрисида иштирокчиларга маълумот берилиб, гумон қилинган беморни қандай госпитализация қилиш жараёнлари тушунтириб берилди. Касалликка гумон қилинган беморни шифохонага олиб бориш жараёни ва бу шифохонада ташкил этилган госпиталда қабул қилиш жараёнлари амалий кўрсатилди.