Самарқандда балиқчилик мавзусида семинар тренинг ўтказилди

Ўзбекистон Республикаси Президентининг 2023-йил 24-августдаги ПҚ-285-сонли қарори ижросини таъминлаш мақсадида, Ветеринария ва чорвачиликни ривожлантириш қўмитасининг 2024 йил 30 январдаги 03/31-56-сонли топшириғига асосан ўқув-амалий семинар ўтказиш графиги тасдиқланган.

Ушбу графикка асосан, Каттақўрғон туманидаги “Каттақўрғон жайхуни” балиқчилик йўналишидаги наслчилик хўжалигида семинар ташкил этилди. Семинарда вилоят Ветеринария ва чорвачиликни ривожлантириш бошқармаси ва Каттақўрғон туман бўлими ходимлари ҳамда туман балиқчилик хўжаликлари раҳбарлари иштирок этишди.

Семинар давомида “Каттақўрғон жайхуни” балиқчилик хўжалиги раҳбари С. Йўлдашов сўзга чиқиб, бугунги кунда балиқчилик соҳасидаги мавжуд муаммолар, уларни ўз вақтида бартараф этиш йўллари ҳамда эришилган ютуқлар тўғрисида ҳамда балиқчилик соҳасида амалга оширилаётган наслчилик ишлари юзасидан батафсил маълумот бериб ўтди.